ادلعها واولعها

موضوع: ادلعها واولعها الجمعة أبريل 30, 2010 4:03 pm

ادلعها واولعها

ادلــــــــعها واولعـــــــــها

بعـد ماقابلتنـي عاتبـوهـا

على شوف الحبايب حاسبوها

خذوها وأبعدوها غصب عني

وعن وجهة طريقي جنّبوهـا

وشالوها عن عيوني غصيبـه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوهـا

كلام وصدّقوا بالبنـت كذبـه

وهم اللي مـن أول كذّبوهـا

وهم وشدخلهم في مـال بيّـن

لبوهـا والخلايـق طالبوهـا

وفيّـه لاتخـون ولاتعـانـد

جسوره والمواعيد أرعبوهـا

مـلاكٍ كاملـه والكامـل الله

ولكـن العـواذل عذربوهـا

وهي كلما دعتني تشتكي لـي

عن اللـي سالفتنـا سرّبوهـا

تخاف وتلتفت مع كـل كلمـه

تظن أن العـواذل راقبوهـا

تلفّت من عقب ماهي جريئـه

شجاعـه ماتهـاب وهيّبوهـا

وأهدّيها وأنـا حايـر وثايـر

مصيبـه ياعـذابٍ عذبوهـا

وهم كلما خذوها عن طريقـي

تراهم صوب قلبـي قرّبوهـا

وأنا ماتعّبـت قلبـي خيانـه

خيانـه رتّبوهـا وأحسبوهـا

ولا يعجز خفوقـي لايقابـل

جفا من حاربـوه وحاربوهـا

وأنا لي عزّة ٍ تفـرض عليّـه

أخاطب بالجفا من خاطبوهـا

وأكسر لوحة الماضي وأزيله

وأخرّبهـا مثـل ماخرّبوهـا

وأذوّقهم نـدم ماصـار فيهـا

وأشرّبهم من اللـي شرّبوهـا

وأدلّعهـا وأولّعهـا بنفسـي

وأشرٌّقهـا بعـد ماغرّبوهـا

وأعوّضها عن اللي راح كلـه

وعن ذيـك الليالـي كلّبوهـا

غلاها بالحشـى لازال ثابـت

ولو حتـى بغيـري حبّبوهـا

وغلاي بقلبها مـرّ وتعـدى

غلاهـا لأمهـا ولا لأبوهـا

شكراااااااا لك يا غالي
كلمات في غاية الروعة تسلموووووووووووووو
انت مبدع يا علاوي

الغافل كتب:: شكراااااااا لك يا غالي
كلمات في غاية الروعة تسلموووووووووووووو
انت مبدع يا علاوي

اشكراً على مرورك وسط أحرفي
كـالضوء ينير على أحرفي البسيطه
كل الشكر لك على تواصلك الجمي

[b]بارك الله فيك ياعزيزي علاوي ...........بحق موضوع مميز

كلام جميل يامبدع