بعد خمس سنين مرت آه أنا بالسوق شفته

بعد خمس سنين مرت آه أنا بالسوق شفته

بعد خمس سنين مرت آه أنا بالسوق شفته
صدفة جابتني لدربه من بعد خمسة سنين

والله اني من سمعته كلم البايع عرفته
إلتفت بلهفة الي حيل مضنيها الحنين

لكن الصدمة عظيمة شايل.ن بيديه بنته
ومعه أم البنت تمشي شابكة فيه اليدين

وقتها دآرت بي الدنيا وحزني ما احتملته
حارت دموعي وأواسي نفسي يا ريم اليقين

وصرت أفكر يعني يعرفني مثل ما أنا عرفته
وإلا ناسي قلبي الي مارضى بغيره ضنين

دق جواله ونزل من على الأحضان بنته
وخثعت بنته ونادى : ريم لا لا توقعين

قمت أناظرها ودمع احتار بعيوني ذرفته
استوت هالدنيا عندي عادي لو موتي يحين

انحنيت أبوس ريم وخدها الأيمن لمسته
التفت لي وقال لي : ياهيه فيها وش تبين

قمت أتجاهل وأسوي نفسي كني ماسمعته
قال : ياختي ابعدي عنها ولاتستهبلين

ويوم قرب لي بعيني من ورآء البرقع خزرته
وانكسر صمتي وقلت : الله على الدنيا يعين

طاح جواله تلعثم قال : أنا بحلم.ن حلمته
وإلا واقع فهميني ليه عني تبعدين

ليه عني ماسألتي وأنا هذا الكون بعته
لجل عينك ياعيوني وما أظنك تجهلين

أنا من بعدك يا ريمي حتى طاري العرس عفته
ناظري فيني وشوفي كيف من بعدك حزين

والله إني ما أنام إلا وماضينا ذكرته
أنتي وحدك من جعلتي قلبي القاسي يلين

أقسم بربي غلاك بيوم ماعمري جحدته
ما إلتفت لبنت غيرك ما سمعت العاذلين

ماسهجت دروب غيرك دربك الي بس سهجته
وش أسوي لجل ياروحي كلامي تصدقين

حتى شوفي هذي أختي تشهد بصدق الي قلته
وهذي طفلتها على اسمك اسمها وتستاهلين

صدقيني مانسيتك حبك الصادق حشمته
حتى حرف الرآء منك باقي له بإذني رنين

قلت : عامر, قال : سمي, قلت : أنا والله صنته
حبك الي كان أصفى من ورود الياسمين

كم طلبني واحد.ن غيرك وأنا لجلك رفضته
وكم تحملت الغثاء واسمع شماتة شامتين

وكم لجل عينك بكيت وحتى ليلي لك سهرته
حيل ذابحني غيابك وفرحوا بي الحاسدين

وأنت تدري بأن حبي ما أبالغ لو وصفته
بأنه أصدق حب يحصل في حياة الصادقين

قال لي : يا ريم ربي يشهد بدمع.ن نثرته
ويشهد إني وافي لحبك ولاسرارك أمين

إرجعي لأبوك قولي : نصفي الثاني وجدته
واحتريني جايب.ن مهرك ودبله باليمين

بتسمت وقلت في نفسي حرأم إني ظلمته
ثم طلعت من المحل والفرحة بعيوني تبين

وقمت أتمتم في طريقي : هذي أخته,هذي أخته
وآآه يازين الوفاء لا صار بين العاشقين

كلام جميل
ابداع بلاحدود
عاشت الايادي ياغالية
دوماااااااااااااااااااااا ابداع متواصل
شكرا يا غلا ونحن ننتظر جديدكم

[b]شكرا لك يا أختي العزيزه على هذه الكلمات الجميله

الغافل كتب:: كلام جميل
ابداع بلاحدود
عاشت الايادي ياغالية
دوماااااااااااااااااااااا ابداع متواصل
شكرا يا غلا ونحن ننتظر جديدكم

بعد خمس سنين مرت آه أنا بالسوق شفته 081118024239bsac

الطائر الجريح كتب:: [b]شكرا لك يا أختي العزيزه على هذه الكلمات الجميله

» هل ممكن ان تحب شخص عمرك ما شفته فى حياتك!!!!!!