رسالة عاشق ومجنون

[ااريد اكتب رساله لكوم اهل ودي
ععقل ماتم الي ولا ضل صبر عندي
صبر ماتم ياربعي ولا صفالي الراي
تيهت اليسار وماعرف يمناي
كصر شوفي بجفاه وما اوجد الجاي
محتار بجرح حدر الضلع يدي
انا محتار بدليلي وما اعرف دواه
نوب بنار انجوي ونوب اصيح اشاه
جيبولي الاوده اريد اسولف اني وياه
اريد اكعد وسولف شسده ويسدي
اريد اكعد واسولفله على الجره والشافته عيوني
وماليلي المرك غمضن جفوني
ابد ثوبي لبسته وشالته متوني
نحيل خلاف شخصك ضليت اون وحدي
انا ابد مايي شربته ولا هنالي الزاد
شلون اصبر ياولفي وانتو عني بعاد
اني شماكض حبل الوصال وياه اشده شداد
ارد ويجي العذول يفل عكد شدي
انا شماكض حبل الوصال وياه وتفتره روحي
اكول اساير بيه يتشافن جروحي
يلجمهن جفاه ويفرح بنوحي
غفل ينباك مني وينكلب ضدي
غفل ينباك مني والبسوه نضاره
اضل اون بجفاه وروحي محتاره
اريد اوصل حبيبي العقر داره
اوكف على بابه اشك زيجي واهمش بخدي
اريد اجمع عمامي وكل اهل ذيقار
متعني الولف اليوم العكر هل الدار
لو ينطيني حقي الفاكده على الصار
لو عدهم اموت وينحفر لحدي

مشكوره شوق هذا من ذوقك وشكرا انتي عسل كلامك عسل كلك عسل شبقى لعد للنحل