منو مثل همومي خل يدخل ويشوف

اناهمومي جهال وترضع دموع
اخلص الليل الولي ومايهيدون
اغفي بهاذ يكعد ذاك ويلوع
ويفزون على صوته وماينامون
الكبر منهم فطمته وياكل ضلوع
شسوي شلون لو كلهم يكبرون
جنح بيه انكسر والثاني مخلوع
وطرت كوه على عناد اليكرهون
بس اسمك نهر والماي مكطوع
واني على الجرف الهث بالعيون
اون بسكوت موش بصوت مسموع
وانا جروحي علج والوادم اسنون
من عركه الفرح من روحي مشلوع
وشتل حزنه الزمان بنص العيون
عشت صغري بيتم ومكمط بجوع
ورضعت هموم من دون اليرضعون
يمرني العيد واني بثوب مركوع
وعيدتي جرح عكس اليعيدون
تمنيت الوكت لو يرجه ارجوع
اني مسودن والريد يرجع الكون
بعده اخضر عشكنهوتوه مزروع
واجو ربعي بمناجلهم يحصدون
يونس زين عمي بطن الحوت مبلوع
اني بحلك الشماته المايرحمون


اهداء خاص
شكرا

تسلم ياغالي